Fjölskylduvænt samfélag
Áhersla lögð á að Sveitarfélagið Árborg sé frábært fjölskylduvænt samfélag.
Mikið hefur gerst undanfarin ár í málefnum fjölskyldunnar í Sveitarfélaginu Árborg og eigum við óhikað að halda áfram að bæta grunnþjónustuna í skóla, íþrótta- og frístundamálum sem og hvað varðar málefni einstaklinga með fötlun, á sem hagkvæmastan hátt.
-
Með samstarfi sveitarfélagsins og hins opinbera þarf að vera hægt að bjóða upp á leikskólapláss fyrir börn frá 12 mánaða aldri
-
Grunnskólarnir geti þróast áfram í takti við breytingar í samfélaginu, efla verður starfsemi Sérdeildar Suðurlands og forgangsraða uppbyggingu í öllum þéttbýliskjörnum til framtíðar
-
Árborg verði öflugur málsvari fyrir málaflokk fatlaðra í viðræðum við ríkisvaldið um aukið fjármagn í þessa grunnþjónustu
-
Skipulagt íþrótta- og frístundastarf standi öllum til boða óháð efnahag, búsetu, uppruna, kyni eða fötlun. Þar gegna frístundastyrkir, samstarf skóla, frístunda og félagasamtaka, forgangsröðun uppbyggingar og góðar samgöngur lykilhlutverki
-
Skapa eina mestu frístunda- og útivistarparadís á Íslandi með uppbyggingu frístundamiðstöðvar á Selfossvelli sem mun efla faglegt samstarf, auka hagkvæmni í rekstri og bæta nýtingu mannvirkja innan frístundageirans
Skýr framtíðarsýn í skipulagsmálum
Það þarf að leggja fram skýra framtíðarsýn um stefnu Sveitarfélagsins Árborgar í skipulagsmálum í kjölfar vinnu við aðalskipulag svo að íbúðauppbygging verði í takti við getu innviða.
Uppbygging íbúðarhúsnæðis á svæðinu og þá sérstaklega á Selfossi hefur verið fordæmalaus undanfarin ár sem hefur skapað tækifæri til framtíðar en einnig vandamál fyrir innviði sveitarfélagsins og þjónustu við íbúa.
-
Árborg hafi skýra framtíðarsýn á uppbyggingu hvers svæðis og stjórni ferðinni til að innviðir fylgi í takt ásamt þjónusta við aðra íbúa.
-
Horfa til þess í samstarfi við hagsmunaaðila að íbúðauppbygging á Selfossi sé fjölbreytt
-
Bætt sé í lóðaframboð á Eyrarbakka og Stokkseyri sem styrkir um leið þá innviði sem þar eru til staðar
-
Fjölga atvinnutækifærum með uppbyggingu atvinnulóða í sveitarfélaginu fyrir ný fyrirtæki
-
Sveitarfélagið Árborg ásamt nágrannasveitarfélögum vinni betur saman að framtíðar atvinnumöguleikum svæðisins þar sem t.d. nálægð hafnarinnar í Þorlákshöfn og orkuöflun getur skipti miklu máli
-
Með nýrri brú yfir Ölfusá skapast ótalmörg tækifæri fyrir Árborg og m.a. þarf að huga að framtíðarmöguleikum Austurvegar og Eyrarvegar sem saman mynda hinn eiginlega miðbæ Selfoss
Nýsköpun og öflugt atvinnulíf
Sveitarfélagið á að vera í virku samtali við atvinnulífið og vinna að því að fjölga atvinnutækifærum í sveitarfélaginu með markvissum hætti.
-
Gerð sé atvinnustefna fyrir Árborg svo framtíðarsýnin sé skýr og allir hagsmunaaðilar geti horft í sömu átt
-
Skapa fjölbreytt atvinnutækifæri í Árborg svo íbúar geti haft fleiri valmöguleika um áhugaverð störf í nærsamfélaginu, stutt frá heimili og fjölskyldu.
-
Sveitarfélagið Árborg sé í virku samtali við fjölbreyttar atvinnugreinar í samfélaginu og styrki tengsl og samstarf milli fjölbreyttra fyrirtækja
-
Vinna að því að skapa umhverfi sem hvetur til nýsköpunar og þróunar. Hvort sem um er að ræða verslun, ferðaþjónustu, iðnað eða skólaumhverfið.
Ábyrg fjármálastjórn
Það þarf að leggja ríka áherslu á öfluga og ábyrga fjármálastjórn sem til framtíðar gefur aukin tækifæri til að lækka álögur á íbúa og fyrirtæki.
Sveitarfélagið Árborg hefur vaxið gríðarlega undanfarin ár sem hefur kallað á mikla innviðauppbyggingu. Þar er bæði um að ræða framkvæmdir mannvirkja og vatns- og fráveita ásamt almennum rekstri sveitarfélagsins. Nú þegar við vonumst til að Covid-19 sé á undanhaldi og lífið fari í eðlilegri skorður er mikilvægt að leggja skýra stefnu til framtíðar í rekstri sveitarfélagsins.
-
Rekstur sveitarfélagsins komist á réttan kjöl með samhentu átaki kjörinna fulltrúa og starfsmanna
-
Endurskipuleggja og forgangsraða verkefnum og halda í grunnþjónustuna
-
Framkvæmdum sveitarfélagsins sé forgangsraðað í öllum málaflokkum til að nýta fjármagnið sem best
-
Sveitarfélagið Árborg sé í leiðandi hlutverki með nágrannasveitarfélögunum okkar og Sambandi íslenskra sveitarfélaga að leiðrétta þátttöku ríkissjóðs í málum þar sem tekjur hafa ekki fylgt þeim verkefnum sem færð hafa verið til sveitarfélaga
Ef við náum í sameiningu tökum á þessum grunnþáttum í fjármálastjórn sveitarfélagsins og breikka tekjustofninn er komið tækifæri til að lækka álögur líkt og fasteigna- og/eða leikskólagjöld sem skilar sér beint í auknum ráðstöfunartekjum heimila og fyrirtækja.
Lýðheilsu- og útivistarparadís
Sveitarfélagið Árborg sem heilsueflandi samfélag býður upp á fjölbreyttrar möguleika til hreyfingar fyrir alla aldurshópa og við eigum sóknarfæri til að efla hreyfingu almennings og útivistarsvæðin okkar enn frekar.
-
Með gerð lýðheilsustefnu er sett fram markviss áætlun hvernig megi efla lýðheilsu og hreyfingu allra aldurshópa í samfélaginu
-
Göngu- og hjólastígakerfi innan sveitarfélagsins er með ágætum en klára þarf malbikaða stíginn milli Selfoss, Eyrarbakka og Stokkseyrar sem um leið tengir Tjarnabyggð og hluta dreifbýlisins við þéttbýliskjarnana
-
Uppbyggingu reiðvega um sveitarfélagið haldi áfram í samráði við hagsmunaaðila
-
Vinna að því að bæta og fjölga útivistarmöguleikum fyrir íbúa líkt og frisbígolfvöllum, leiksvæðum, merktum fjallahjólastíg og æfingatækjum við göngustíga. Ásamt áframhaldandi uppbyggingu í Hellisskógi, Hallskoti, Friðlandi í Flóa og fjörunni
-
Opnir tímar fyrir fjölskyldur í íþróttamannvirkjum og skipulagðar fjölskyldugönguferðir haldi áfram og mögulega fjölgi enda eykur það hreyfingu og samveru fjölskyldunnar
-
Sveitarfélagið standi fyrir öflugum forvörnum í sinni breiðustu mynd
Það er gott að eldast í Árborg
Við sem samfélag eigum að halda vel utan um málefni eldri borgara og auka möguleika til heilsueflingar og þjónustu í nærsamfélaginu.
Með auknum lífsgæðum undanfarna áratugi eigum við raunhæfari möguleika á að halda betri heilsu þegar við eldumst. Ég tel mikilvægt að sveitarfélagið veiti góða þjónustu fyrir þennan aldurshóp og sé í samstarfi við félög eldri borgara til að sú þjónusta sé markviss og skilvirk.
-
Vera í góðu samstarfi við Heilbrigðisstofnun Suðurlands á Selfossi um rekstur og þjónustu hjúkrunarheimila með hag íbúa að leiðarljósi
-
Góðar forvarnir sem bæta bæði líkamlega og andlega heilsu
-
Halda áfram með heilsueflingarnámskeið fyrir 60+
-
Veita meiri möguleika á að búa sem lengst á eigin heimili
-
Auka fræðslu og bæta göngustígakerfi með bekkjum
-
Styðja við félög eldri borgara í Árborg og það öfluga félagsstarf sem þarf fer fram
Hagkvæmar og umhverfisvænar samgöngur
Ég vill leggja áherslu á bættar samgöngur og Sveitarfélagið Árborg verði leiðandi í rafmagnsvæðingu almenningssamgangna.
Bættar samgöngur innan sveitarfélagsins og sérstaklega milli þéttbýliskjarnanna gefur íbúum á öllum aldri aukin tækifæri til að nýta þá fjölbreyttu þjónustu sem er í boði á svæðinu óháð búsetu.
-
Auka tíðni ferða hjá Árborgarstrætó milli þéttbýliskjarna sveitarfélagsins
-
Áframhaldandi uppbyggingu göngu- og hjólastíga innan sveitarfélagsins sem tengja betur saman Eyrarbakka, Stokkseyri, Selfoss og dreifbýlið og um leið hvetja til heilsusamlegri og vistvænni möguleika í samgöngum.
-
Sveitarfélagið Árborg verði fyrsta sveitarfélagið á Íslandi til að rafmagnsvæða almenningssamgöngur í sveitarfélaginu
-
Mikil tækifæri eru fólgin í samstarfi við nágrannasveitarfélögin okkar um lagningu göngu- og hjólastíga. Slíkt samstarf ætti til framtíðar að skapa tengingu stíga milli sveitarfélaga
Blómlegt menningar- og viðburðastarf
Við eigum að styðja við og efla fjölbreytt menningarstarf innan sveitarfélagsins og skapa ný tækifæri í ráðstefnu- og viðburðahaldi.
-
Styðja við bæjarhátíðirnar sem lífga upp á samfélagið fyrir okkur íbúa og laða árlega að fjölda gesta til sveitarfélagsins
-
Klára uppbyggingu menningarsalarins sem mun gefa okkur sem búum í sveitarfélaginu ný tækifæri í menningarstarfi og ráðstefnuhaldi
-
Halda áfram með viðbyggingu og viðhald litla leikhússins í Sigtúni til að bæta aðgengismál og aðstöðu Leikfélags Selfoss
-
Efla söfnin í sveitarfélaginu og gefa nýjum tækifæri til að blómgast